تاريخ التسجيل: Oct 2008
المشاركات: 5
(أوباما) الشرق الاوسط الولايه الامريكيه الجديده
( أوباما ) الشرق الاوسط الولايه الجديده بأمريكا
رأيـت فى المنام والـدتى يرحمها الله وهى تهـزنى بعــنـف وتـقـول بصوت عـال
إصحى ياولدى قوم شوف الدنيا ايش صاير فيها ..
قمت وجلست أمامها فعـمرها ما جاتـنى فى المنام من عـشرين سنه وأكثـر
فـسأ لتها إيش ياأمى جيه تاخدينى والا إيه قالت لاأناجايه أبشرك قلت خير
قالت خلاص حتكلم تعـرف واحد اسمه ( أوباما ) قـلـت لا ما أعـرفـه قالت
طيب تعـرف واحد إسمه ( بوش ) قـلت أيـوه أعـرفـه مـوهـوه الـلى كـان
وا قـف ورى إسرائيل ثمانى سنين ومساندها ضدالفلسطينين موهوه اللى
إستولى على افغانستان موهوه اللى دمرالعراق موهوه اللى خرب اقتصاد
العالم وخسرنا جميع ما نملك والان يـبغـانـا نساعـده...
قـالـت طـيـب كـيـف ماتعـرف (اوباما) موهـوه هـذا اللى جاى يمسك محل
( بوش ) والدنيا كلها فرحانه والجرائد والـفـضـائيات بتـتكلم عـنه رديـت
وقلت مايخصنى اخـتـصـرى يا أمى قالت طيب (اوباما ) اللى هـوه رئيس
امريكا الجديد إقـترح على دول الشرق الاوسط (العـرب وايران واسرائيل)
انه يضمهم لأمريكا فى ولايه واحده فلاعاد تسيرحروب بينهم ولاعداوات
ولا منازعات وبهذه الطريقه يـقـدر يصلح بين الاسرائيلين والفلسطينين
و بين فـتح وحماس وتنتهى ازمة المفاعـل الذرى الايرانى وتتقفل قضية
البشيروالحريرىوتنحل مشكلة جزرالامارات مع ايران وتكون اول ولايه
من الولايات الامريـكـيـه خـارج الـقـاره الامريكيه كما تعـهـد أمام الجميع
بالانسحاب من أفغانستان إيش قـلت ياولدى اقول ايه مافى شـى يـنـقـال
ياأمى إنتى شايـفـانى ملـك والا رئيس جمهـوريه والا عـمـر موسى الله
يرضا عليك ياأمى خلينى اربى عيالى ولا تودينى فى داهـيه قالتلى طيب
اسـمع البشاره وبعـدين كمل نومك الجميع يا ولدى وافـقوعـلى اقـتراح
( اوباما ) وطـلـبـو منه ان يقـوم باخـتيارحاكم الولايه الجـديده تعـرف
ياولـدى( اوباما ) إخـتـار مين لا ماأعرف إختارك إنت ياأبوإبراهيم لان
لونك أسمرمثله وطولك طوله وخلفتـك زيه والجميع فى الشرق الاوسط
وافقوعليك وسيكون تنصيـبك حاكم للولايه الجديده يوم تنصيب (اوباما)
رئيسا لامريكاوفجأه سمعت صوت زوجتى تـنادى يأبوابراهـيم فصحـيت
من النوم فعـرفـت ان كل ماحصل بيـنى وبين امى كان حلما لانه لوكان
حـقـيقه لكانت نادتـنى (بسيادة الرئيس)
(اوباما )الشرق الاوسط الولايه الجديده بأمريكا
العرض العادي
